Квез чидани?

—           Шкьуьнт юкьван тар авачир, винел пад кIараб хьтин къабухди (ибрегъетре) кIевнавай гьайван я.

—           Шкьуьнтриз бязибуру бенбецI лугьуда. Лезги чIала абур синонимар я. Идалайни гъейри, бязи хуьрера нугъатрин жуьреярни ишлемишзава, месела, Самур магьалда “шинкьит” лугьудайбурни гьалтда.

—           Шкьуьнтар дуьньядин вири пипIера чкIанва.

—           Абурун жуьреяр 110 агъзурдалайни гзаф ава. Яшамиш жезвай чкайриз килигна, шкьуьнтар пуд чкадал пай жезва: гьуьлуьнбур, кьураматдинбур ва кьел квачир це яшамиш жезвайбур.

—           Виридалайни йигин шкьуьнт багъдинди яз гьисабзава. Адавай са сятда 60 метрдин мензилдиз физ жеда, муькуьбурувай — са сятда 5,4 метрдиз.

—           Абурулай чпин заланвилелай цIуд сеферда артух пар чIугваз алакьзава.

—           Кьел ва шекер шкьуьнтар патал зегьердиз барабар я.

—           Бязи уьлквейра шкьуьнтрин як недай тIямлу затI хьиз ишлемишзава.

«Лезги газет»