Дагъустандин госмедуниверситетдик экечIиз
кIанзавайбурун кьадар цIи 2000-далай алатнава
Алатай йисав гекъигайла, цIи Дагъустандин госмедуниверситетдик экечIиз кIанзавайбурун кьадар саки 10 процентдин гзаф хьанва. Идакай ТАСС-диз вуздин пресс-къуллугъдин руководитель Камила Рагьимхановади хабар гана.
Адан гафаралди, шаз абитуриентрин кьадар 2000 тир. ЦIи лагьайтIа, абурун кьадар 400 касдин артух хьана.
Медицинадин вуздик экечIиз кIанзавайбурун арада виридалайни машгьур профилар “Стоматология”, “Лечебное дело” ва “Педиатрия” я. Дагъустанвийрилай гъейри, ДГМУ-дик экечIун патал документар вуганвайбурун арада Азербайжандин, Йемендин, Туьркиядин, Афгъанистандин, Иорданиядин, Сириядин, Ирандин, Палестинадин агьалиярни ава.
Къейд ийин хьи, Дагъустандин государстводин медицинадин университет 1932-йисуз арадал гъанай. А чIавуз ам институт тир. Къенин юкъуз ДГМУ чирвилерин, илимдин, сагъламвилин чIехи центр я. Адан къурулушдик вад факультет, вири профилрин клиникайрин базайрин сеть, медицинадин жуьреба-жуьре хилерай илимдин докторри, профессорри регьбервал гузвай 76 кафедра акатзава.
Чи мухбир
