Лезги халкьдин къагьриманвилин “Шарвили” эпосдин суварин сергьятра аваз Сулейман-Стальский районда залан атлетикадай акъажунар кьиле фена. Райондин администрациядин спортдин, туризмдин ва жегьилрин крарин рекьяй комитетди тешкилай спортдин и мярекатдин макьсад алакьунар авай жегьилар хкягъун, абуруз сагълам уьмуьр кIанарун ва абур спортдин и жуьредал желбун тир. Акъажунрин сергьятра аваз пагьливанри, чпин заланвилин категорийриз килигна, штангаяр, путар хкажна.
65 кг заланвал авайбурун арада 1-чка Абилверс Алискерова, 2-чка Аюб Абдулкеримова, 3-чка Марат Юзбегова, 75 кг заланбурун арада 1-чка Паша Къафарова, 2-чка Рашид Ферзалиева, 3-чка Гьажи Гьажибутаева къазанмишна. Абуруз медалар ва грамотаяр гана.