СтIал Сулейманан йикъарин сергьятра аваз, 17-майдиз сятдин 12-даз Махачкъалада, шаирдин гуьмбетдин патав митинг кьиле фида. Нянин сятдин 5-даз, Урусрин театрдин чIехи залда СтIал Сулейман дидедиз хьайидалай инихъ 150 йис тамам хьуниз талукьарнавай межлис гатIунда. Ана РД-дин Гьукуматдин, культурадин министерстводин, республикадин яратмишунардайбурун, илимдин, жемиятдин векилри, милли шииратдал рикI алайбуру иштиракда.
СтIал Сулейманан юбилейдиз талукьарнавай мярекатар 18-майдиз адан хайи хуьре — Агъа СтIалдал давам жеда.
* * *
17-майдиз йикъан сятдин 2-даз Махачкъалада, Р.Гьамзатован тIварунихъ галай милли ктабханада, Алкадарскийрин тухумдиз бахшна, журналист Гулера Камиловади гьазурнавай “Созвездие Алкадари” фильмдин презентацияни кьиле фида.
«Лезги газет»
