* * *

СтIал Сулейман халкьди вичи чIехи авур, амма Советрин властдин девирда еке машгьурвал къазанмишай халкьдин халис шаиррин жергеда ава.

М.ШОЛОХОВ

* * *

СтIал Сулейман гзаф зурба ва халис шаир я… Дагъустандин чIехи ашукьдин рикIел вичин Ватандин накьан перишан югъ  гирт хъсандиз аламай. Гьавиляй ам адан гъалибвилерив ацIанвай къенин йикъал ва гурлу пакагьан йикъал­ ашукь тир…

Л.ЛЕОНОВ

* * *

СтIал Сулейман вичикай баркаллувилин манияр теснифна кIандай ва тесниф ийидай ашукьрикай сад я.

А.БЕЗЫМЕНСКИЙ

* * *

СтIал Сулейманакай чIехи шаир хьана, вучиз лагьайтIа адахъ вичин уьлкведин уьмуьрдал гуьзчивалдай ва адан гъавурда акьадай халис чIехи бажарагъ авай.

П.СКОСЫРЕВ

* * *

Заз чиз, СтIал Сулейман тIеби­ат­ди анжах шиирар кхьин патал халкьна. Адан ялавлу шиирри, Да­гъус­тандин дагъларилай эгечIна, чи уьл­кведин вири пи­пIерал хьиз, Гуржистандин винелни лув гана: “Баку, Тифлис, гена Москов, мад Ленинград ава чаз”, — лагьана чIехи шаирди. “ХХ асирдин Гомер” халкьарин  дуствилин шаир хьана. Чна стха тир Дагъустандихъ СтIал Сулейман хьтин “Бил­бил” хьунал кIевелай дамахзава ва дагъларин вири халкьариз поэзиядин и чIехи сувар рикIин сидкьидай мубаракзава.

Р.МАРГИАНИ

* * *

СтIал Сулейман чIехи поэзиядин лишан я. “ХХ виш йисан Гомер!” — дуьньядин са шаирни ихьтин къиметдиз лайихлу хьайиди туш. Адан ялавлу цIарари чун къени гьейранарзава.

Р.АХМАТОВА

* * *

Сулейманаз  кьве  рубаи

* * *

Шумудни сад сердерарни сагьибар

Хъфейди я таз и дуьнья, тIебибар.

Амма ви ирс аманат яз дуьньядив

Гума, тIимил тежез вичин таъсибар!

* * *

Арифдаррик вун ариф я,Сулейман.

Муаллимрикни вун тариф я, Сулейман.

Вун — чи мани! Эхиратдин кIвалелни

Нур хьурай ви лацу лиф яз, Сулейман.

Видади Насех. Азербайжан чIалай

* * *

СтIал Сулейманаз

Эй Сулейман! Шаир чIехи!

Шарвилид тур, Шалбуздин наз —

Лезги халкьдин кьисмет экуь

Россиядин кьисметдик зи

Акахьнава, уьтквем рахаз,

Гомеран тIвар — пак ярж алаз,

Чилин руьгьдин рангар галаз…

Юрий Свешников. Урус чIалай. Таржумаяр — Мерд АЛИДИН.