13-январдиз Сулейман-Стальский райондин администрацияда  Эритрея гьукуматда Россиядин Федерациядин Чрезвычайный ва Полномочный Посол Азим Ярагьмедов кьабулна. Гуьруьшда   РД-дин Общественный палатадин член Низами Бу­таева, налоговый къуллугъдин ветеран Назим Ярагь­­­медова, райондин общественный палатадин председателдин заместитель Ягъибег Ягъи­бегова, райадминистрациядин кьилин заместителри, СМИ-дин векилри иштиракна.

Райондин кьил Нариман Абдулмуталибова машгьур районэгьли  шадвилелди къаршиламишна, адаз алукьнавай 2021-йис вичин ва вири район­эгьлийрин патай мубаракна, уьлкведин сиясатдин къурулушда ва международный алакъаяр вилик тухунин карда адан лайихлувилер къейдна.

— Гьуьрметлу Азим Алаудинович, — ла­гьана Н.Абдулмуталибова. — Куь жемиятдинни сиясатдин уьмуьр чешне къачуниз ла­йихлу я. Районэгьлийри квел гьахълудаказ дамахзава. Еке дережа­диз хкаж хьун — им акьалтзавай несилди чешне къа­чудай кар я. Квез районда еке гьуьрмет ава, куьне международный дережада чи уьлкведин патай векилвалзава, яргъал йи­сара багъри ерийривай яргъара кIвалахзаватIани, хайи чIал, чи адетар ва район рикIелай алудзавач. Чаз квехъ жа­ваб­дар кIва­лахда мадни чIехи агалкьунар хьана кIанзава, — алава хъувуна Н.Абдулмуталибова

Район вилик финик еке пай кутунай ва районда тухузвай кIвалахрин, цIийивилерин тереф хуьнай Нариман Абдулмуталибова Азим Ярагьмедо­ваз рикIел аламукьдай савкьатар — тапрак, Испикрин устIарри гьазурнавай хъенчIин къапар, СD-дискайра авай Етим Эминан ва СтIал Сулейманан­ шииррин ктабар, “Созвездие Алкадари” фильм авай DVD-диск ва “Край мыслителей и поэтов” эн­циклопедиядин ктаб гана.

РФ-дин Посол Азим Ярагьмедоваз тебрикдин, алхишдин келимаяр Низами Бутаева ва Ягъибег Ягъибеговани лагьана.

Вич хушвилелди кьабулунай багъри мугьман­ди­ администрациядин кьилевайбуруз сагърай  лагьана.

Хазран  Кьасумов