«Лезги газетдиз» РД-дин Кьилин пресс-къуллугъди хабар гайивал, Сергей Меликова Москвада Дагъустандин Векилханада Украинада кьиле физвай махсус серенжемда иштиракзавай дагъустанви офицеррив гьукуматдин шабагьар вахкана.

ИкI, гвардиядин капитан Арафат Къурбановни полковник Залибег Умаев, Ватандин вилик пак буржи тамамардайла, къалу­рай викIегьвилерай «Дагъустан Респуб­ликадин вилик лайихлувилерай» орденриз­ лайихлу хьана. Са жерге офицеррив «Жуьр­этлувиляй» медалар вахкана. Абурун арада подполковникар тир Айдинбег Абдуллаев, Фейрудин Алиев, майорар тир Зугьраб Алиев, Нариман Асакаев, Фарид Айюбов, Артур Багавов, Абдула Мегьамедов ва гвардиядин майор Денис Диденко ава.

Ихьтин медалриз мад подполковник Абдулла Маж­лумов, майорар тир Руслан Омаров, Шамил Саидов, Азамат Хасбулатов ва Владимир Якьубов лайихлу хьана.

Россиядин Игитрин — Энвер Набиеван­ ва Темирлан Абуталибован кьегьалвилер РД-дин Кьилин тIварцIин сятер гуналди къейдна.

Чи  мухбир