Мукьвара за Шагьабудин Шабатован “Жувакай” (Махачкъала, “Мавел”, 2012) ктаб мад сеферда кIелна. Дугъриданни, автор гьахъ я. Ада кхьенва:
Гъилевайбур куьз ахъайда?
Авачни къадир?
Вучда, ахпа чахъ къекъведай
АтайтIа девир?..
Вахтуниз вири килигдатIани, вахт са куьнизни килигдач. Гзаф затIар чавай квахьна.
Гьиниз фена Давдакьан яратмишунар?
ГьикI жагъана тамамвилелди адан са шиир — элегия — 16 слогдин 130 цIар, галай-галайвал?
Чпин кIалуб дегиш тийир
Ашукь я зун гьайванрал.
Акваз-акваз малар жезвай
Мягьтел я зун инсанрал…
Яраб мад вуч ахквадатIа вилериз?..
Аферин автордиз. Халис арифдардин зигьиндай къвезвай камаллу гафар я, кIелзавайдав веревирд ийиз тазва. Акьул, насигьат, тербия, сабур — вири ава ктабда.
Аял чIавалай зегьметдин яцIа авай, бубайрин насигьатрини СССР-дин сиясатди арадал гъайи шаир, ажугъар кIватIиз, сабурар пайзавай инсан…
А.Гьажимурадов
