И йикъара Докъузпара райондин Мискискарин  аялрин  «Солнышко»  бахчада «Школадиз фидай яшдив агакь тавунвай аялрин кьатIунар вилик тухун патал театрдин къугъунрихъ авай метлеб» темадай райондин семинар хьана.

Семинардин иштиракчийриз тебрикдин ва алхишдин келимаяр образованидин  управленидин методист Тамара Муллина лагьана. Методистди къейд авурвал, гьар са аялдин хиялда  театрдин къугъунрин гьерекат кьиле физва, нетижада адалай эдебиятдин сюжетар арадал гъиз алакьзава. Къаматдин къайдада аваз  арадал  гъайи затIуна аялрин кьатIунар, зигьин  мягькем жезва;  рахунин сергьятар гегьенш жезва.  Нетижада  аялди дуьнья акьулдалди  ва рикIелди чирзава.  Ада ажугъдиз, регьимдиз талукь майилар  арадал гъуниз куьмекзава.

Семинардин сергьятра аваз «Дидедин йикъаз» талукь  яз тухвай конкурсдин нетижаярни кьуна. Аялрин бахчайрин тербиячийрин, педагогрин кIвалахдин нетижаяр дипломралди ва грамотайралди къейдна. Семинардин иштиракчийриз «Солнышко» аялрин бахчадин коллективди эцигнавай «Пуд цlуьрнуьгъ» поросенка» тамаша къалурна.

Тербиячияр тир Н. Магьмудовади, Н.Адигуьзеловади аялрин сегьнедиз талукь махарин гьакъиндай чпин фикирар лагьана. Эхирдай семинардин темадиз талукь тир викторинани кьиле тухвана.

«Лезги газет»