Дагъустандин халкьдин шаир Сажидин Саидгьасанован гзаф эсерар дуьньядин халкьарин чIалариз таржума авунва. Мукьвара Ростовдин областдин Азов шегьердин «Азов Принт» ООО издательствода С.Саидгьасанован «НуькI хала» («Тётушка Воробьиха») ктаб урус чIалал чапдай акъатна. Ана агъсакъалди 2022-2023-йисара кхьей эсерар гьатнава. Ктаб адан 90 йисан юбилейдихъ галаз алакъалу яз акъуднава.
Чи машгьур ва бажарагълу районэгьлидин шиирар урус чIалаз таржума авурди Россиядин журналистрин ва писателрин союзрин член, 30-дав агакьна ктабрин автор, машгьур таржумачи Николай Дик я.
Хъсан еридин жилдер алаз, 300 экземплярдин кьадарда аваз акъуднавай ктаб 63 чиникай ибарат я.
Чна Сажидин муаллимдиз цIийи ктаб акъатун мубаракзава.
Лена Саидова
