И йикъара Дагъустан Республикада кьиле фейи “Кавказдин РИФ” форумдал РД-дин образованидин ва илимдин министрдин везифаяр вахтуналди тамамарзавай Яхья Бучаева ва “Яндекс” ООО-дин образованидин проектар виликди тухунин рекьяй директор Дмитрий Растворова санал кIвалахунин гьакъиндай икьрардал къулар чIугуна.
Министерстводи агьалияр ва образованидин идара патал пулсузбур жедай кьве майдан ишлемишда: “Яндекс.Учебник” ва “Яндекс.Лицей”.
Абурукай сад лагьайди — математикадай, информатикадай ва урус чIалай делилар авайди — гъвечIи классрин муаллимар патал гьазурнава. Ада муаллимриз алай аямдин технологияр чирдай, образование гунин гьерекат жуьреба-жуьрди ийидай мумкинвал гузва.
Кьвед лагьайди мектебра кIелзавай аялриз промышленный программированидин бинеяр чирдай кьве йисан проект я. Яндексди рекъемрин экономика патал пешекарар гьазурунин кардик вичин пай кутазва.
Ихьтин проект алай вахтунда республикадин пуд шегьерда — Махачкъалада, Каспийскда ва Дербентда кардик ква.
Яхья Бучаева къейд авурвал, Дагъустанда Яндексди вичин кIвалах 2018-йисалай активнидаказ кьиле тухузва. “Чна чи “Яндекс.Лицейдиз” аялар хкягъиз им пуд лагьай сефер я. Дагъустандин мектебра кIелзавай аялри и майдандиз иллаки итиж ийизва. Гьаниз килигна, чахъ авай маса майданрин куьмекдалдини и рекье кIвалах мадни артухарда”, — къейдна министрди.
«Лезги газет»
