Алатай нумрада чна 2022-йис патал “Лезги газет” (10 ва адалай гзаф экземплярар) кхьей жумарт рухвайризни рушариз рикIин сидкьидай сагърай лугьузвай тебрикрин чIалар чапнай. Идахъ галаз сад хьиз, чав гьелелиг виринрай газетдин подписка тешкилнавай гьалдикай делилар агакь тавунвайдини къейднавай.
Ингье гила чав Каспийск шегьерда кардик квай 5-СМУ-дай интернетдин куьмекдалди хабар-муштулух агакьарнава: инин коллективди (генеральный директор — Ф.М.Шагьпазов) 2022-йис патал 15 газет кхьенва!
Сагърай куьн, гьуьрметлубур. 5-СМУ-ди милли руьгьдин къулаз мердвилелди къуллугъиз садни кьве йис туш. Чи республикадин лап чIехи эцигунрик куь лайихлу пай квайди чаз чизва. Куьн, садалайни аслу тушиз, виликди еримишзавай, халкьдиз къулайвилер артухарзавай коллективрикай сад я.
Квехъ сагъвал, цIийи-цIийи агалкьунар, кIвалера, рикIера шадвал, гьуьрмет, берекат хьун чи мурад я.
Эцигунрин сан хкаж хьуй цаварихъ!
Цифер тергда лекьрен гужлу лувари!
Жинсиникай тушни бес куьн лекьерин!
Чир хьурай им пехилбурун рикIериз…
“Лезги газетдин” редколлегия.
