Алай йисуз республикадин 2520 агьалиди санаторийра чпин сагъламвал мягькемарда. Абурун жергедай яз, 50 аялди ва абурухъ гелкъвезвай ксарини. ИкI, агьалийрин кьезилвилер авай къатари чпин сагъламвал мягькемарунин серенжемриз 71 миллион манатдилай артух пул ахъайда.
Къенин юкъуз дагъустанвийрихъ галаз кутIуннавай икьраррин бинедаллаз республикадин, гьакIни адалай къецяй тир 7 санаторийди агьалияр кьабулзава. Йисан алатнавай варцара, медицинадин теклифрал бинеламиш хьана, ихьтин путёвкаяр 600 дагъустанвидиз ганва.
РикIел хкин: анжах соцпакетдикай отказ тавунвай агьалийривай санаторийриз физ жезва. Путёвка гвай гьар са касдиз Дагъустандин Яшайишдин фондунин “Санаторийринни курортрин лечение патал учир” разделда СНИЛ-дин нумра кхьена, чпел нубат мус агакьдатIа, чирдай мумкинвал ава.
«Лезги газет»
