Советрин девирда инсанрин сагъламвал мягькемарун патал гимнастикадал машгъул хьуниз эвер гузвай. А вахтунда школайрани аялрив гьар пакамахъ физический упражненияр тамамариз тадай. Амма и менфятлу кар хейлин чкайра рикIелай фенва.
Ахцегьрин 3-нумрадин ООШ-да гьар пакамахъ аялрихъ галаз гимнастикадин упражненияр тамамарзава. Аялриз физический упражненияр физкультурадин муаллимри, ученикар-физоргар тир Гуьлбиче Чубановади (9-“б” класс), Айиша Гуьлметовади (7-“б” класс), Сабина Гьуьсейновади (9-“а” класс) къалурзава. И кардал школадин дирекцияди гуьзчивалзава. Аялрин сагъламвал мягькемарунихъ элкъуьрнавай и серенжем чи маса школайрани кардик кухтунайтIа хъсан тир.
Рагьидин ЭМИНОВ
