И мукьвара Сулейман-Стальский райондин аялрин яратмишунрин кIвале “Зи хизанда сагълам уьмуьр кечирмишзавай къайда” лишандик кваз мектебрин сифте­гьан классра кIелзавай аялрин арада проектрин конкурс кьиле фена. Адан макьсад аялринни диде-бубайрин сагъламвал мягькемарун, хизанда сагълам уьмуьр кечирмишунал фикир желб авун тир.

Проектдин автор ва “ИМЦ” (“Информационно-методический центр”) МКУ-дин кар алай (ведущий) пешекар Тамила Абдулмуталибовади къейд авурвал, конкурсди сагълам уьмуьр пропаганда авуниз ва мектебра кIелзавай аялар азарлу хьунин дуьшуьшар тIимиларуниз куьмекда.

Конкурсда райондин чпе кIелзавай аялар кьадардилай тIимил авай мектебри иштиракна. ИкI, Самира Тажибовади (Сайтархуьруьн ООШ) -1, Айишат Рустамхановадини (Ичинрин ООШ) Карина Вагифовади (Птидхуьруьн ООШ) — 2, Сафия Вагьабовади (Хтунрин НОШ), Аманат Хийирбеговади (Бутхуьруьн НОШ) ва Латифа Гьаби­булаевади (Экенрин НОШ)  3-чкаяр кьуна.

Конкурсдин гъалибчийриз ва призерриз райондин образованидин управленидин патай грамотаяр ва спортдал машгъул­ хьун патал лазим шейэр гана.

Чи мухбир