Алай йисан 1-сентябрдилай къапара аваз гузвай яд маркировка авунин къайдаяр къуватда гьатда, — хабар гузва РД-дин промышленностдин ва алишверишдин министерстводи.
“Россиядин гьукуматдин къарардин бинедаллаз, тIебии ва я тIебииди тушир минеральный, газ квай, шекер ва я ширинардай маса шейэр, гьакIни дад ва атир кутун тавунвай хъвадай цин кьилди къачур жуьреяр чарасуздаказ маркировка авун лазим я”, — лугьузва малуматда.
Чарасуз маркировка кардик кутадай, гьакIни гуьзчивалдай рекъемрин системадив делилар агакьардай вахт акъудзавай суьрсетдин жуьредилай ва и кардин иштиракчидилай аслу я.
ИкI, 1-декабрдилай маркировка авун минеральный ятар патал, 2022-йисан 1-мартдилай — хъвадай цин маса жуьреяр патал чарасузди жеда. 2022-йисан 1-сентябрдилай кьадардинни сортарин гьахъ-гьисаб, яни маркировка авунвай яд маса гунин гьакъиндай делилар чарасуздаказ агакьарунин къайда кардик кутазва.
2025-йисан 1-мартдилай маркировка авунвай цин гьар са къапуниз талукь делилар чарасуздаказ гьисабдиз къачунин гьерекат башламишда.
«Лезги газет»
