9-июлдиз Дагъустандин Кьил Сергей Меликов Сергокъала райондиз фена, муниципалитетда авай са жерге объектриз килигна, Ватан патал чанар къурбанд авурбуруз хкажнавай обелискдал цуьквер эцигна, райондин администрациядин активдихъ галаз кьиле фейи гуьруьшдал 23-июндиз Махачкъаладани Дербентда хьайи бедбахтвилин дуьшуьшрихъ галаз алакъалу гьалар веревирдна.

РикIел хкин: террористрин арада Сергокъала райондин кьил Мегьамед Омарован кьве хва авай. Абур махсус серенжемдин нетижада телеф хьана.

Гуьруьшдал С.Меликова рекьелай алатнавай тахсиркаррин гьерекатри Сергокъала райондин жергедин агьалийрин яшайишдал са лекени тагъанвайди ва бязибуру абурун тIварцIихъ лугьузвай келимаяр бинени авачирбур тирди къейдна. «Зун иниз СВО-да Ватан патал чанар гайи кьегьалар чIехи авур квез — баркаллу агьалийриз — гьамиша куьмек гуз гьазур тирдакай хабар гуз атанва», — лагьана С.Меликова.

Гуьруьшдикай гегьеншдиз РД-дин Кьилин сайтдай кIелиз жеда.

Чи мухбир