11-октябрдиз РД-дин Кьил Сергей Меликов Дербент шегьердиз мугьман хьана. Идакай «Лезги газетдиз» Дагъустандин Кьилин пресс-къуллугъди хабар гана.
Сифте нубатда республикадин регьбер шегьерда хкажзавай цIийи объектрихъ галаз таниш хьана. РикIел хкин, алай йисуз РФ-дин Президент Владимир Путин Дербентдиз мугьман хьайила, ада шегьер вилик тухун патал 5 миллиард манатдин кьадарда аваз алава пулдин куьмек гудай къарар кьабулнай. И такьатрихъ яшайишдин метлеб авай объектар эцигна акьалтIарзава, чкадин инфраструктура цIийикIа туькIуьр хъийизва.
Алай вахтунда Дербентда эцигзавай чIехи объектрикай сад спортдин комплекс я. Каспий гьуьлуьн къерехда экIя хьанвай и зурба дараматда спортдал машгъул жедайбур патал 2500 чка тешкилда. Ина гьакIни спортдин са шумуд жуьредай махсус залар, мярекатар тухудай кьилдин майданар кардик кутада. Эцигунрин кIвалахар 2026-йисуз акьалтIардайвал я.
Къейд ийин хьи, Дербентда авай чIавуз Сергей Меликова шегьерда кьетIен аялар патал эцигнавай реабилитациядин центр ачухунин мярекатдани иштиракна.
Гегьеншдиз РД-дин Кьилин сайтдай кIелиз жеда.
Агьмед Магьмудов
