Алай йисан 14-октябрдиз Дагъустандин чIехи муниципалитетрикай сад тир Мегьарамдхуьруьн райондин 80 йис тамам хьуниз талукьарнавай шадвилин мярекатар кьиле фида. «Лезги газетдиз» чкадин администрациядин пресс-къуллугъди хабар гайивал, кьилин мярекатар Мегьарамдхуьре, Медениятдин центрадин мулкунал, тешкилдайвал я.
Райондин юбилейдиз талукьарнавай суварин сергьятра аваз муниципалитетдин гьар са хуьруьн милли майданар кардик кутада, жуьреба-жуьре выставкаяр тешкилда. Абурукай сада Ингушетиядин, Карачаево-Черкесиядин ва Кеферпатан Осетиядин векилрини иштиракда.
ГьакIни и юкъуз Мегьарамдхуьре «Самурдин зул» лишандик кваз республикадин дережада аваз халкьдин яратмишунрин фестивални кьиле фида.
Ашкъи ва мумкинвал авай гьар са ватанэгьлидивай и мярекатра иштиракиз жеда.
«Лезги газет»
