31- октябрдиз махсус серенжемдин иштиракчи, младший лейтенант Абдурагьманов Фаик телеф хьана. Украинадин нацистрихъ галаз къати женгина ада, Россиядин аскердиз лайихлу тирвал, эхиримжи нефесдалди викIегьвилелди женг чIугуна.

Кьейидалай кьулухъ адан игитвал «Жуьрэтлувилин» орден гуналди къейдна. Ам игитдиз лайихлу гьуьрметдивди Алексеевское хуьре Баркаллувилин аллеяда кучудна. Аллагьдин рагьметдик кваз хьурай!

Фаик Даниялович 1986-йисан 25-сентябрдиз Ахцегьа дидедиз хьана. Жегьил хизан Урусатдиз куьч хьуникди адан къанажагълу вири уьмуьр Тверь областдин Рамешковский райондин Алексеевское хуьре акъатна. 2022-йисан гатфарихъ ам, гуьгьуьллувилелди арза кхьена, Каспийскдин военный флотилияда къуллугъдив эгечIна.

Виниз тир пешекарвилин, низамлувилин ва къуллугъдин везифайрив жавабдарвилелди эгечIунин ерийрай командованиди Фаик Абдурагьмановаз офицервилин чин гуналди, ам подразделенидин командирвиле  тайинарна. Ф.Д.Абдурагьманов ватанэгьлийрин рикIера эбеди яз амукьун патал игитдин тIварунихъ Ахцегьа са куьче ядай меслят хьанва.

Дашдемир Шерифалиев