И йикъара Сулейман-Стальский райондин кьил Н.Абдулмуталибова Хъпуьхърин хуьруьн мектеб цlийи хъувунин кlвалахар гьикl кьиле физватlа килигна. И гьакъиндай «Лезги газетдиз» Сулейман-Стальский райондин администрациядин пресс-къуллугъди хабар гузва.

Ремонтдин к1валахар ахтармишай дестедик райондин кьилин сад лагьай заместитель Л.Оружев, образованидин управленидин начальник Къ.Аминов, Хъпуьхърин хуьруьн администрациядин кьил Ямудин Ягъибегов ва масабур квай.

Къейд ийин, и хуьруьн мектеб лап гъвеч1иди я – ана пуд аялди чирвилер къачузва. Им райондин лап яргъа авай хуьр я. Аниз алатай йисуз газни тухвана, рекьерни хъсан къайдадиз гъана.

Хсуси инвестордин такьатрихъ мектебдин дарамат тамамвилелди ремонт авунин к1валахар гатфариз башламишнай.  Алай вахтунда к1валахар саки куьтягьнава. Гила инвестордиз цlийи мебель къачудай фикир ава.

«Лезги газет»