Мегьарамдхуьруьн са шумуд хуьре рекьер хъсанарунин кIвалахар къизгъиндаказ давам жезва. «Лезги газетдиз» Facebook-да авай «Мегьарамдхуьруьн район» чини хабар гузвайвал, и райондин Азадогъли, ЦIийихуьр, КьепIир-Къазмаяр хуьрера рекьера гьерекатзавай улакьриз манийвилер гузвай чкаяр туькIуьр хъийизва.

Кьилди къачуртIа, Азадогъли хуьруьн кьилин везифаяр тамамарзавай Меристан Яралиевадин гуьзчивилик кваз хуьруьн рекьериз чиргъ вегьезва, ЦIийихуьруьн рекьера арадал атанвай лекъвер, чухурар ахцIурзава ва икI мад. КьепIир-Къазмайрин хуьруьн агьалийри хуьруьн администрацияди кьиле тухузвай крара активдаказ иштиракзава. Ина хуьруьн кьил Вакъиф Ширинован регьбервилик кваз хуьруьн мулкар абадвилихъ тухунин серенжемар давам жезва.

«Лезги газет»