Россиядин Федерациядин гьукуматди кьве йисан къене Дагъустан Республикадиз рекьер цIийи хъувун патал 762 миллион манат чара ийида. Талукь тир къарардал премьер-министр Михаил Мишустина къул чIугунва.

Къарарда къалурнавайвал, 2022 ва 2023-йисара республикадив 381 миллион манат пул агакьда. Государстводин “Улакьрин система еримлу авун” программадин сергьятра аваз чара ийизвай такьатар региондин, муниципальный ва чкадин метлеб авай автомобилрин рекьер хъсанаруниз серфда.

Къейд ийин, РФ-дин гьукуматди рекьер ремонтунин кIвалахар тамамаруниз санлай 100 миллиард ахъайнава. И такьатар 84 субъектдин арада пайзава.

«Лезги газет»