Ахцегь райондин прокуратуради  рекьерин гьерекатдин хатасузвилин гьакъиндай закондин истемишунар  тамамаруниз  талукь яз  ахтармишунар кьиле тухванва.

Тайинарнавайвал, республикадин автомобилрин “Мегьарамдхуьр-Ахцегь-Рутул” шегьре рекьин Хуьруьгрин хуьруьн патав гвай чка чилик квай ва Самур вацIун ятари тухванва. Шегьре­дин­ машинар фидай рекьин ва къерехдин гьяркьуьвал ина 5 метрдиз барабар я. Гьа са вах­тунда РФ-дин Гьукуматдин 2009-йисан 28-сентябрдиз кьабулнавай 767-нумрадин “РФ-да­ автомобилрин рекьерин жуьрейрин [классификация] гьакъиндай”, къарардалди тайинарнавайвал,  3-категориядин рекьин анжах са зулунин ва къерехдин гьяркьуьвили 11 метр тешкилун лазим я.

Идахъ галаз алакъалу яз, Ахцегь райондин прокуратуради Махачкъаладин Советский райондин суддиз РД-дин транспортдин ва рекьерин майишатдин министерство ва “Дагъустан Республикадин автомобилрин рекьерин управление” ГКУ  шегьре рехъ законди тайинарнавай истемишунрив, стандартрив ва технический рекьяй кьадаррив кьадай гьалдиз хкуниз мажбур авунин гьакъиндай арза рекье тунва.

«Лезги газет»