Алай вахтунда Москвада яшамиш жезвай Нагъиев Леонард Нагъиева вичин ватан тир Мегьарамдхуьруьн райондин Къартас-Къазмайрин хуьре аялрин ва спортдин майдан туькIуьрун кьетIнава. Мегьарамдхуьруьн райондин кьил Ф.Агьмедова малумарайвал, «Дорбостсервис» ООО-дин генеральный директор Леонард Нагъиева вичин такьатрихъ хайи хуьре алай аямдин спортдин майдан ва аялар къувадай, абуру ял ядай чка туькIуьрда.
Къартас-Къазмайрин хуьруьн администрациядин кьил Омар Нагъиева суьгьбетзавайвал, хуьруьз гьахьдай чкадал 50×25 квадратдин метрдин майдан туькIуьрунин кар кьилиз акъудун патал 3 миллионни 500 агъзур манат харжда. Леонард ва Омар Нагъиеври гележегда хайи хуьруьн мектебдин дарамат ремонт авунин кардизни куьмек гудайвал я.
«Лезги газет»
