Сулейман-Стальский райондин Саидхуьруьн юкьван умуми образованидин мектебда 8-апрелдилай 13-апрелдалди «Регьимлу крарин гьафте» серенжем кьиле фена. Идакай «Лезги газетдиз» райадминистрациядин пресс-къуллугъди хабар гузва.

Хъсан мярекатдик кьил кутурди Саидхуьруьн мектебдин тарихдин муаллим Елизавета Рамазанова я. Серенжемдин макьсадар жемиятдиз жуван хушуналди къуллугъ авуниз талукь крарин таблигъат тухун, абур тежрибада уьмуьрдиз кечирмишун, мектебдин коллективди саналди кIвалахун ва аялрин яратмишунин алакьунар винел акъудун я.

Серенжем кьиле фейи вахтунда вад лагьай классда кIелзавайбуру яшлу инсанриз ва гъвечIи классра кIелзавай аялриз куьмекар гана. Идалайни гъейри, абуру мектебдихъ галай мулкара къелемар, набататар цана, къушариз ем недай тIунар туькIуьрна ва икI мад.

«Лезги газет»