И йикъара РД-дин къенепатан крарин министр, полициядин генерал-лейтенант Абдурашид Мегьамедов Мегьарамдхуьруьн райондиз фена ва органрин къурулушра кlвалахдайла телеф хьайи къуллугъчийрин хизанрив гьукуматдин шабагьар вахкана. И гьакъиндай «Лезги газетдиз» Мегьарамдхуьруьн райондин администрациядин пресс-къуллугъди хабар гузва.
Муниципальный райондин администрациядин залда кьиле фейи мярекатда Мегьарамдхуьруьн райондин кьил Фарид Агьмедова, администрациядин жавабдар къуллугъчийри, республикадинни райондин къайдаяр хуьдай органрин ва СМИ-дин векилри иштиракна.
Мярекат ачухай райондин кьил Ф. Агьмедова Ватан патал, ислягьвал патал игитвилелди чпин чанар гайи къуллугъчияр Жуьрэтлувилин ордендалди къейд авунай РФ-дин Президентдиз ва РД-дин къенепатан крарин министрдиз чухсагъул малумарна.
Мярекатдал министр А.Мегьамедов, Общественный палатадин председатель Агъадаш Нагъметуллаев ва масабур рахана.
«Лезги газет»
