Дагъустан Республикадин Гьукуматдин Председателдин заместителдин везифаяр вахтуналди тамамарзавайдан гьакъиндай Дагъустан Республикадин Кьилин Указ
1.Дагъустан Республикадин Конституциядин 78-статьядин 2-пунктунал асаслу яз, Гьуьсейнов Гьажимегьамед Гьажибуттаевич Дагъустан Республикадин Гьукуматдин Председателдин заместителдин везифаяр вахтуналди тамамарзавайди яз тайинарин.
2.И Указ вичел къул чIугур йикъалай къуватда гьатзава.
Дагъустан Республикадин Кьилин везифаяр вахтуналди тамамарзавай В.Васильев
Махачкъала шегьер, 2018-йисан 26-июль, №84.
______________
Гьажимегьамед Гьажибуттаевич Гьуьсейнов 1977-йисан 10-июлдиз Махачкъала шегьерда дидедиз хьана. Адахъ кьилин образование ава, ам экономикадин илимрин кандидат я.
1998-йисуз ада “Дуьньядин экономика” пешедай Дагъустандин государстводин университет куьтягьна.
1996-199-йисара ам Махачкъаладин гьуьлуьн балугъчивилин портунин Государстводин администрациядин пешекар, экономист — нормировщик, кьилин инженер тир.
1998-2000-йисара ада Россиядин илимрин академиядин дуьньядин экономикадин ва международный алакъайрин институтдин (РАН-дин ИМЭМО) аспирантурада кIелна.
2001-2011-йисара адакай Россиядин Федерациядин финансрин министерстводин экономикадин хилера бюджетдин политикадин Департаментдин отделдин начальникдин заместитель, кар алай пешекар-эксперт, кьилин пешекар-эксперт, отделдин начальник, директордин заместитель хьана.
2011-2016-йисара ам Россиядин Федерациядин финансрин министерстводин транспортдин, рекьерин майишатдин, тIебиатдикай менфят къачунин, агропромышленный комплексдин хиляй бюджетдин политикадин Департаментдин директордин заместитель тир.
2016-йисалай 2018-йисан 28 июлдалди ада Россиядин Федерациядин финансрин министерстводин экономикадин хилера бюджетдин политикадин Департаментдин директордин везифаяр тамамарна.
2018-йисан июлдиз ам Дагъустан Республикадин Гьукуматдин Председателдин заместителдин везифаяр вахтуналди тамамарзавайди яз тайинарна.
Эвленмиш хьанва, кьуд велед ава.
