Дербентда алай йисан 1-ноябрдилай 28-декабрдалди коронавирусдиз акси рапар ягъайбурун арада махсус конкурс малумарнава. Ана анжах шегьерда прописка авунвайбурувай иштиракиз жеда.
Пулдин пишкешар гьар жуьт тир (четный) жуьмя йикъара Дербентдин администрациядин Инстаграмда авай официальный аккаунтда ачух эфирда къугъвадайвал я. Гъалибчи рекъемрин арада хкягъунар тешкилуналди тайинарда.
Пулдин пишкешар вад ава: 75, 50 ва пуд пишкешни — 10 агъзур манатдин кьадарда аваз.
Конкурсдин финал 29-декабрдиз кьиле фида. Кьилин пишкеш “Лада Гранта” маркадин машин я. Ам конкурсдин вири иштиракчийрин арада къугъвада.
«Лезги газет»
