Буран вирибуруз чидай, менфятлу салан майва я. Бязи нугъатра адаз къабах лугьуда. Путулка хьтин буран гьеле дегь девиррилай инсанри тIуьн патални, гьакI къаб ва гуьрчег набатат патални цазвай, гьасилзавай. Сифтедай ам тIуьн патал ваъ, яд хуьдай къаб патал цазвай.

Дагъустандин дагълух хуьрерин агьалийри вилик вахтара путулка хьтин бурандикай жими затIар яргъал мензилдиз тухудай къаб туькIуьрзавай. Идалайни гъейри, къен акъуднавай буранда цIу­рур­навай чIем ва недай маса няметарни хуьзвай.

Итижлу делил ам я хьи, и бурандикай дагъвий­ри­ недай затIар куьрсардай махсус затIни туькIуьр­за­в­ай. Вирибуруз малум тирвал, кьурурнавай якIар, ацIурнавай ратар (расукар) дагъвийрин рикI алай затIарикай я. Чпин суьрсетар кьиферикай ва ма­са зиянкаррикай хуьн патал дагъвийри, бу­рандай­ тIек­вен акъудна, ам къе­не авай жи­ми за­тIа­ри­кай ва ци­лерикай михьна, адан къене са шу­­муд кIир га­лай кIа­расдин вешалка твадай. Гьа икI, ба­кара къведай тадарак арадал къведай (шикилда)­.

ТIямлу ва рикI алай емдин ни атай зиянкарди, гьелбетда, адакай лезет хкудиз тади ийида. Амма цIалцIам бурандал аватай абур цIуьдгъуьн хьана авахьда ва, гьикьван алахъайтIани, абуруз рикI алай затI тIуьн  кьисмет жедач.

Нарима Агьмедова