РД-дин образованидин ва илимдин министерстводи хабар гузвайвал, республикада образованидин хиле уьмуьрдиз куьчуьрмишзавай федеральный 3 проект кьилиз акъудун патал республикадиз саки 300 миллион манатдин кьадарда аваз субсидияр чара ийида.
Субсидияр чара ийизвайдакай РД-дин Гьукуматдин Председателдин заместитель- РД-дин образованидин ва илимдин министр Уммупазил Омаровади РФ-дин просвещенидин министерствода Дагъустан Республикада милли “Образование” проект кьилиз акъудунин концепция хуьзвай вахтунда хабар хьана.
Концепциядиз РФ-дин просвещенидин министерстводин патав гвай образование вилик тухунин цIийи жуьрейрин Фондунин пешекаррикай ибарат комиссияди къимет гузвай.
ИкI, “Цифровая образовательная среда” проектдин сергьятра аваз республикада аялар патал “IT-cube” центр пайда жеда. “Алай аямдин школа” тIвар ганвай маса проектди хуьрерин школайрин материалринни технический мумкинвилер артухардай ва “Технология”, “ОБЖ”, “Информатика” тарсара ишлемишзавай образованидин программаяр цIийи хъийидай рекьер ачухда.
“Гьар са аялдин агалкьун” тIвар ганвай пуд лагьай проектдин бинеда регионда аялриз алава образование гунал машгъул жедай модельный центр ачухун ава.
«Лезги газет»
