Алай йисан 9-сентябрдиз Россиядин Федерацияда сад тир сечкийрин югъ кьиле фида. И юкъуз Дагъустан Республикадин Халкьдин Собранидин депутатри РД-дин Кьилин къуллугъдални кас хкяда.

Россиядин Федерациядин Президент Владимир Путина РД-дин Кьилин къуллугъдал хкягъун патал  Халкьдин Собранидиз пуд кас теклифнава. Ингье абур:

РД-дин Кьилин къуллугъ вахтуналди тамамарзавай Владимир Васильев, КПРФ-дин Дагъустандин отделенидин председатель Магьмуд Магьмудов ва “Гьахълу Россия” партиядин региональный отделенидин председатель Камил Давдиев.

Дагъларин уьлкведиз ни регьбервал гудатIа, 9-сентябрдиз малум жеда.

Нариман Ибрагьимов