20-ноябрдиз Урусатдин журналистрин Союздин Дагъустандин отделенидин председатель Мегьамед Ибрагьимовни ревизиядин комиссиядин председатель Мурад Мегьамедкеримов РД-дин Общественный палатадин председатель Азизбег Черкесовахъ галаз гуьруьшмиш хьана.
Гуьруьшдин сергьятра аваз абуру СМИ-ринни Общественный палатадин арада авай алакъайриз талукь месэлаяр веревирдна ва амадагвилин алакъаяр вилик тухунин жигьетдай икьрар хьана.
А.Черкесова къейд авурвал, СМИ-ри республикадин жемиятдин уьмуьрда кьетIен чка кьазва, абурухъ халкьдинни гьукумдин арада авай алакъаяр сихбур, ихтибариз жедайбур ийидай къуват ава.
«Дагъустандин Общественный палата журналистар патал гьамиша ачух я. Санал кIвалахуни, шак алачиз, хъсан нетижаярни арадал гъида. Чна халкь, жемият патал кьиле тухузвай кIвалахрикай, кьабулзавай серенжемрикай агьалийриз хабар гузвай кьилин чешме СМИ я. Гьавиляй чна арада авай муьгъ мадни мягькемарна кIанда», — лагьана ада.
Чи мухбир
