Поликлиникадихъ галкIурун патал арза кхьин куьз герек я? 2015-йисалай поликлиникаяр гьар са касдин кьилиз пул ахъаюнал элячIнава, яни ОМС-дин территориальный фондунай и тайин поликлиникадихъ галкIурнавай агьалийрин кьадардиз килигна гьакьван пулни чара ийида.
Поликлиникадихъ галкIурнавай гьар са азарлудан кьилиз, ам шумудра ва гьихьтин азарар себеб яз поликлиникадиз атунилай аслу тушиз, поликлиникадиз тайин кьадардин пул гуда. Поликлиникайра “кьейи руьгьер” тахьун патал и кьадар азарлуяр авайди документралди тестикьарун истемишзава. Идалайни гъейри, поликлиникадихъ галкIуруни азарлудаз медицинадин куьмек гунин ери хъсанарда.
Кардик квай законодательстводал асаслу яз квез медицинадин руководителдин тIварунихъ жува ва я ви векилди арза кхьена участокдин духтур-терапевт, участокдин аялрин духтур (педиатр), умуми практикадин духтур (хизандин духтур) хкядай ихтияр ава. И карда медицинадин организацияди квез духтур хкягъиз (дегишариз) куьмек гун лазим я. Эгер куьне хкянавай духтурди разивал гайитIа, анжах гьа чIавуз духтур хкягъунин гьакъиндай ганвай арза кьабулнавайди яз гьисабиз жеда.
Ф.Балабегов, РД-дин ТФОМС-дин Мегьарамдхуьруьн райондин филиалдин директор
