И йикъара Ахцегь райондин администрациядин дараматда ругуд касдикай ибарат комиссиядин дестеди кадрийрин резерв хкягъунин конкурсдин сад лагьай пай кьиле тухвана. Конкурсдин комиссиядин председатель райондин кьилин заместитель Алмас Шуаев тир.
«Конкурс райондин пешекарвилин кадрияр цlийи авунин, виридалайни хъсандиз гьазур хьанвай пешекарар кlвалахал желбунин макьсаддалди кьиле тухузва», — лагьана А.Шуаева.
Малумарзавайвал, райондин сергьятра кьиле фейи конкурсда кьилин образование авай 9 жегьил иштиракна. Абурун жергеда филологар, экономистар, юристар, менеджерар, архитекторар, художникар-заргарар ва маса пешейрин сагьибар ава.
Тестерин тапшуругърилай ва суьгьбетрилай кьулухъ малум хьайивал, конкурсдин вири иштиракчийри сад лагьай паюна агалкьунар къалурна.
«Лезги газет»
