26-31-июлдиз Омскдин областда 13-сеферда Вирироссиядин хуьруьн спортдин гатун къугъунар кьиле фена. Къейд ийин хьи, ихьтин дережадин акъажунар милли “Демография” проектдин “Спорт — уьмуьрдин къайда” программадин сергьятра аваз тешкилнавай.
Къугъунрин тешкилатчияр РФ-дин спортдин ва хуьруьн майишатдин министерствояр, Омскдин областдин Гьукумат ва Урусатдин хуьруьн жегьилрин союз тир. Акъажунра санлай къачурла Урусатдин ва Белоруссиядин 50 региондай 1400-дав агакьна спортсменри иштиракна. Абуру чпин къуватар спортдин 14 жуьредай алцумна.
Къейд ийин хьи, Дагъустандин хкягъай командадик кваз и турнирда СтIал Сулейманан райондин Герейханован хуьряй тир (2-отделение) путар хкаждай спортсмен Эдик Агьмедовани иштиракна. Ада ва Дагъустандин командади санлай и акъажунра путар хкажунай 1-чка кьуна.
Агьмед Магьмудов
