1-июндиз Белиж поселокдин 2-нумрадин школадин базада (Дербент райондин кьиблепатан зонадин аялрин идарайрин иштираквал аваз) аялар хуьнин Международный йикъаз талукьарнавай нурлу мярекат кьиле фена.
Ана Дербент райондин кьил Мегьамед Желилова, адан заместитель Садир Эмиргьамзаева, Белиж поселокдин кьил Рамиз Гьабибулаева, райондин КЦСОН-дин руководитель Исамудин Мурадова, образованидин управленидин начальник Суфиян Надирова, Дербентда авай ДГУ-дин филиалдин руководитель Исмаил Абдулкеримова, райвоенком Адил Къулиева, аялрин диде-бубайри, школайрин директорри ва муаллимри, хуьрерин кьилери ва масабуру иштиракна.
Мярекат М.Желилова ачухна. Ада къейд авурвал, им неинки аялриз виридалайни кlани ва шад сувар, гьакlни абурун патахъай жавабдарвал гьиссун ва аялрихъ чlехибурун къайгъударвилин ва куьмекдин игьтияж авайди рикlел хкизвай югъ я.
Анал Рамиз Гьабибулаев, Суфиян Надиров, Исмаил Абдулкеримов, Адил Къулиев ва масабур рахана.
Ахпа райондин ва поселокдин кьилерин, КЦСОН-дин, “Михьи рикlер” мергьяматлу фондунин, райондин собранидин депутат Вагиф Сефербегован ва са жерге маса тешкилатрин патай агьвал авачир хейлин хизанрив ва аялрив къиметлу пишкешар ва продуктар авай пакетар, ДГУ-дин филиалдин патай пул авай конвертар вахкана.
Мярекатдин эхирдай концерт гана.
Къагьриман Ибрагьимов
