1-апрелдиз Дагъустандин Кьил Сергей Меликова Украинада кьиле физвай махсус серенжемда иштиракзавай дагъустанвийрин мукьвабурухъ галаз гуьруьш кьиле тухвана. Республикадин регьберди серенжемда багърияр телеф хьайи вири хизанриз башсагълугъвал гана ва чкадин гьукум гьар са иштиракчидин хизанриз вири рекьерай куьмекар гуз гьазур тирди къейдна.
Государстводин патай и хизанриз гьихьтин куьмекар гузватIа ва абуруз гьихьтин кьезилвилер талукь ятIа чпин рахунра РД-дин военный комиссар Даитбег Мустафаевани зегьметдин ва яшайишдин рекьяй вилик финин министр Мурад Къазиева хабар гана. Кьезилвилер са шумуд дережадинбур ава: федеральный, региондин ва муниципалитетдин.
РД-дин Халкьдин Собранидин депутат Елена Ельниковади серенжемдин иштиракчийрин дидейриз, юлдашриз, хендедайриз куьмекар гун патал кьиле тухузвай кIвалахрикай ихтилатна.
«Лезги газет»
