Инсан патал руьгьдин ем, адан гуьзелвилин, марифатдин, ахлакьдин ерияр ачухзавай, гегьеншарзавай ва мягькемарзавай алем ава: эдебият, меденият. Эдебиятдин бинедал мескенар эцигзавайбурни шаирар, писателар я. Абурун устадлу эсеррихъ, фасагьат чIалахъ инсан руьгьламишдай, игитвилерихъ ялдай, кIанивилин пайдах хкажиз куьмек гудай къуват ава.
Шииратда Билал Адиловани инанмишвилелди камар къачузва. Идан гьакъиндай и мукьвара адаз ганвай нубатдин премияди шагьидвалзава. Болгарияда шииратдай тешкилай милли конкурсдин иштиракчи лезги шаир “КIанивилин лирика” номинациядай премиядиз лайихлу хьана. Мубаракрай ва мадни агалкьунар хьурай!
«Лезги газет»
