2-июндилай 31-июлдалди Мегьарамдхуьруьн райондин Къуйсунрин хуьре Кьиблепатан Дагъустандин футболдин лигадин къугъунар кьиле фена. Агъажунра, санлай къачурла, 8 командади иштиракна. Абурун арада СтIал Сулейманан райондин Агьмед Саидагьмедованни Чингиз Абдулмежидован регьбервилик квай командани авай.
Турнирдин нетижайралди, 1-чка Къуйсунрин хуьруьн командади кьуна. СтIал Сулейманан райондин команда гимишдин медалдин сагьиб хьана.
Къейд ийин хьи, республикадин кьиблепата футболдай кьиле фейи асул чемпионатдин виридалайни хъсан полузащитник яз Али Къазибегов гьисабна.
КIвенкIвечи чкаяр кьур командайриз дипломар, медалар ва пулдин пишкешар гана.
«Лезги газет»
