И мукьвара Махачкъалада кардик квай “Лотос” чапханада  Али-гьажи  Эмирсултанован  “Къуръандал ва Суннадал бинелу насигьатдин кьисаяр” тlвар алай ктаб чапдай акъатна. 352 чиникай ибарат ктабдин редактор ЮТО-да РД-дин Муфтиятдин просвещенидин отделдин руководитель Шамил-гьажи Омаров я.

“Эренлардин сес” газетдин кьилин редактор Али-гьажи Эмирсултанова алатай йисуз “Исламдин гьакъикъат” ктабни чапдай акъуднай. Цlийи ктабда диндиз майилвалзавайбурувай менфят къачуз жедай насигьатдин кьисаяр гьатнава.

“И ктабда авай кьисаяр Къуръандал ва Суннадал бинеламиш хьанва. За абур гьар жуьре чешмейрай кIватIна, лап итижлу ва важиблубур и ктабда гъунин макьсад — им, гьелбет­да­, абур кIелна гьакI гьейран хьун ваъ, абурукай тарс хкудна, гьар са касди вичин уьмуьр­да кечирмишун я. Къанажагълу­ мусурманди абурукай тарс хкудна, вичин уьмуьрда а месэ­лайрал амал ийида”, — кхьизва авторди ктабдин сифте гафуна.

Автордиз чна цlийи ктаб акъа­тун мубаракзава ва мадни еке агалкьунар хьун алхишза­ва.­ Ктаб къачуз кlанибурувай агъадихъ галай нумрадиз зенг ийиз жеда:

Тел.: 8-989-885-11-29. Е-mail: aliusug@mail.ru

Куругъли Ферзалиев