Квез чидани?

—           Намибия ажайиб набататралди, гьайванралди девлетлу Африкадин уьлкве я.

—           И уьлкведин умуми майдан 825 418 квадратный­ километрдикай ибарат я. Ана 2 миллионни 7 виш агъзурдалай гзаф инсанар яшамиш жезва.

—           Намибиядин меркез Виндхук гьуьлуьн дережадилай 1650 метрдин кьакьанда ава. Чкадин чIалай таржума авурла, Виндхук “гарун пIипI” лагьай чIал жез­ва. И шегьер уьлкведин виридалайни чIехиди я, ана 300 агъзур кас яшамиш жезва.

—           Носорогрин кьадар дуьньядин уьлквейрикай ан­жах Намибияда артух жезва.

—           Виндхук бухарадин хъицикьрин алишверишдин центр хьиз дуьньяда машгьур шегьер я.

—           Намибиядин гьава зегьемлуди ва кьуруди я.

—           Намибияди 1990-йисуз аслу туширвал малумарна.

—           Дуьньяда машгьур урандин мяденрикай сад Намибияда ава.

—           Намибияда авай Этоша милли парк туристрин рикI ала чка я. Паркуна 114 жуьре гьайванар, 340 жуьре­ къушар, хур галчIуриз фидай 110 жуьре гьайванар яша­миш жезва.

—           Уьлкведа милли паркар 26 ава.

—           Шегьерра санай масаниз фин патал агьалийри асул гьисабдай таксидикай менфят къачузва.

—           Намибияда алмасар хкудзава. Уьлкведин бюджетдиз, багьа къванер маса гана, арадал къвезвай къазанжиди еке хийир гузва.

—           Намибиядин агьалийри саки вири къушарин ка­каяр, цеквер, термитар незва.

«Лезги газет»