Эгер куьне официальный къайдада кIвалахзаватIа ва къазанжидилай налогар гузватIа, квевай кIвал маса къачурдалай кьулухъ кIвалахдин мажибдикай кьур налогдин такьатар (налоговый вычет) вахчуз жеда.
Элкъвена вахчуз жезвай такьатрин кьадар къазанжидин 13 процентдикай ибарат я. Са йисан къене вахчуз жедай такьатрин вини кьадар 260 агъзур манат я.
Месела: йисан куь къазанжиди 600 агъзур манат тешкилна. Къачунвай къазанжи анжах 78 агъзур манат вахчун патал бес жезва — 600 агъзур манатдикай 13 %. Къазанжидикай кьунвай, харж тавуна амукьнавай пай муькуь йисал хъфизва.
Идалай вилик къазанжидилай гайи налогдин такьатар элкъвена вахчун патал агьалийривай МФЦ-диз физ ва пешекарривай галай-галайвал хабар кьаз жеда. “Зи документар” центрадиз фидайла, жував ихьтин документар гваз хьана кIанда:
- паспорт;
- юзан тийидай объектдин иеси я лагьана тестикьарзавай документ;
- маса гунин-къачунин икьрар;
- кIвалахзавай чкадай гъилевай йисаз талукь НДФЛ справка.
Наркотикар ишлемишунай гайи жаза авач лагьай справка
Наркотик квай ва психотропный шейэр ишлемишна лагьана ва я административный жаза таганвайвилин гьакъиндай шагьидвалзавай справка МФЦ-дай къачуз жеда.
Са жерге къуллугърал кIвалахал акъваздайла, и справка герек жезва. Месела, хсуси къаравулриз, авиациядин къуллугъчийриз, улакьрин хатасузвилин хиле кIвалахзавайбуруз, икьрардалди аскервиле къуллугъзавайбуруз.
Регистрация авунвай чкадилай аслу тушиз, и справка МФЦ-дин гьар гьи идарадай хьайитIани къачуз жезва. Ам туькIуьрун патал паспорт ва МФЦ-да ацIурдай арза герек я.
«Лезги газет»
