Кьурагь райондин КIирийрин хуьряй тир РСФСР-дин медениятдин гьуьрметлу къуллугъчи Тимучин Мегьамедович ва Дагъустандин лайихлу муаллим Муьгьуьбат Султановна Къурбановар санал яшамиш жез 55 йис тамам хьанва. Муьгьуьбат Султановнади вичин 80 йисан юбилейни къейдзава. Веледри, хтулри, мукьва-кьилийри, абурун гъилик чирвилер къачурбуру Къурбановриз и лишанлу вакъиаяр мубаракзава:
Арадал гъана чешнелу хизан,
Сагьибар хьана гьуьрметдин чIехи.
Пакдиз хвена тIвар, намусни виждан,
Дамахзава квел веледри вири.
Уьмуьрдин рекье хьанач гьич ажуз,
Гьар имтигьандиз таб гана куьне.
Несилри квевай чирвилер къачуз,
Муаллимдин тIвар кьуна лап вине.
55 йис — санал ала куьн,
Легьзедани гьич квадарнач гьуьрмет.
Уьмуьрдин рекье къуьн-къуьневаз фин
Гьам я чIехи бахт, гьам чIехи девлет!
Къуй Аллагьди квез сагъламвал гурай,
РикIиз такIан кар тахьурай ерли.
КIвале — берекат, кьилел рагъ хьурай!
Куьн я чи дамах, куьн я чи вири.
«ЛГ»
