“Лезги газетдин” амадаг, дидед чIалал акъатзавай газет гьеле школадин чIехи классриз физвай йисарилай кIелзавай Жамбулат Гьасановахъ зегьметда гьамиша виниз тир агалкьунар жезва. Адан крариз лайихлу къиметни гузва. Мукьвара Жамбулат Зиямудиновичаз “Дагъустан Республикадин лайихлу экономист” лагьай гьуьрметдин тIвар ганва. Чна чи амадагдиз рикIин сидкьидай мубаракзава ва адахъ еке агалкьунар хьана кIанзава.
Жамбулат Гьасанов Мегьарамдхуьруьн райондин Советский хуьре муаллимрин хизанда 1970-йисуз дидедиз хьана. Лап хъсан къиметар аваз 1987-йисуз школа акьалтIарайла, ам Москвада Плеханован тIварунихъ галай халкьдин майишатдин институтдик экечIна ва анаг агалкьунралди куьтягьна. 1994-йисалай ада налогрин къуллугъда кIвалахзава: Дербент шегьердин ва райондин налогрин инспекцияда инспектор, отделдин начальникдин заместитель, отделдин начальник, инспекциядин начальникдин заместитель. 2016-йисалай Жамбулат Зиямудинович и инспекциядин регьбер я.
Вири и йисара Ж.Гьасанов кьиле авай коллектив кIвалахдин нетижайрай республикада кIвенкIвечи чкайрал ала. Жамбулат Гьасановаз гзаф кьадар гьуьрметдин грамотаяр ва РФ-дин налогрин органра къазанмишнавай лайихлувилерай министерстводин медаль ганва. Къуй адахъ ва коллективдихъ мадни еке агалкьунар хьурай!
«Лезги газет»
