Москвада яшамиш жезвай кIварчагъви муаллим, шаир, меценат Шагь-Эмир  Абдуллаевич  Алимоваз:

Чирвал, акьул гана шумуд несилдиз!

Баркаллаяр гъана тIварцIел эсилдин.

Девир масад, дуьнья масад хьайила,

Дегишарнач гена михьи майилар.

Къимет хвена зегьметдинни­ гьуьрметдин,

Кар кутуна, майданар гуз  жуьрэтдиз.

Уьлкве, белки, авуна жед кIвачелай,

Амма хайи чIал квадарнач  мецелай!

Агатдайла терс уламра  факъирвал,

Ви куьмекда хьана лезги  шаирвал…

Сагърай! Шадрай! Генг хьурай мад рекьер ваз!

Несилрикай акваз хьурай  эквер ваз!..

Ви 70 йисан юбилей тебрикзавай хизанар, мукьва-кьилияр, ярар-дустар…