30-ноябрдилай 2-декабрдалди Пермь шегьерда грекринни римлуйрин жуьреда кьуршахар кьунай Россиядин чемпионат кьиле фена.
Уьлкведин жуьреба-жуьре регионрай атанвай хейлин спортсменрин арада Кьурагь райондай тир Эрелар Фейзуллаевни авай. Къизгъин бягьсерин нетижада ам къизилдин медалдиз, Россиядин чемпионвилин тIварцIиз лайихлу хьана.
РикIел хкин: им Э.Фейзуллаева спортда къазанмишнавай сад лагьай еке агалкьун туш. ИкI, алатай йисуз ам азаддаказ кьуршахар кьунай дуьньядин чемпионвилин тIварцIизни лайихлу хьанай.
ПатIимат Магьарамова
