Мегьарамдхуьруьн райондин Бут-Къазмайрилай тир МВД-дин пенсионер

Руслан Ризванович Аллагьвереноваз:

60 йис ви хьанва тамам,

Кефи сагъ яз, чанни хуррам,

РикI шад яз, гьич авачиз гъам,

Сад Аллагьдиз ийиз икрам,

Ви яшарик берекат хьуй!

 

КIватI хьанва къе ярар-дустар,

Къавум-къардаш, стха, вахар,

РикIе аваз михьи къастар,

Лугьузва ваз тебрик-тостар,

Вахъ виш йисан мярекат хьуй!

 

Ният михьи  хци рикIе,

Камар къачуз тек дуьз рекье,

Тадач вуна садни кIеве

Гьам магьалда, гьамни хуьре.

Ви крарик гьерекат хьуй!

 

Балайрикай — багъни бахча,

Хтулар ваз чIагай хунча,

Шад я къе куьн — къари, къужа

Рагъ хьуй кьилел, тахьуй къуза,

Гуьгьуьлда ви гатфар хьурай!

 

Халкь паталди къачур зегьмет,

Элдин патай чIехи къимет

Къазанмишай я ви девлет.

Гьалал хьуй ваз дидедин нек,

Ваз гьар са югъ сувар хьурай!

 

Намус бармак кьилел алай,

ЧIехи гъетер къуьнел алай,

Баркаллаяр винел алай,

Дамах я вун чилел алай,

Вахъ мад чIехи бахтар хьурай!

 

И гуьруьшдал чун лап шад я,

Гьелелиг ви тек 60 я.

Им ви гатфар, им ви гад я,

Мацарин хуьр, эл абад я.

Вахъ бахтавар яшар хьурай!

Ваз 60 йисан юбилей мубаракзавай Ашукь Айдун ва маса дустар.