Москвада яшамиш жезвай миграгъви хва, карчи инженер, девирдин меценат, чIехи хизандин кьил

Мурад Гьажиевич Жафароваз:

Гьуьрметлу дуст, кьегьал дагъви,

Цава хьурай даим Рагъ ви!

АцIайди яз шад утагъ ви,

Рехъ давамрай гьакъисагъ ви!

 

Майданар ви мад хьурай генг,

Зайиф тежез рикIевай женг.

Мягькемдиз яхъ кIвачив уьзенг,

Тежез жизви суалра ленг.

 

КъвайитIани кьилел гимиш,

Гуьгьуьлди ам тийиз агъмиш,

Жафаров яз хьухь яшамиш,

Бахтар галаз йисара виш!..

Ви 70 йисан юбилей тебрикзавай Мерд Али,  адан хизанар, ви ярар-дустар, вири багърияр.