7-майдиз чи уьлкведа радиодин къуллугъчийри чпин пешекарвилин сувар къейдзава.
Дагъустанда Лезги радио кардик кваз гзаф йисар я. Исятда адахъ интернетдин майданрани яб акалдай мумкинвал ава (“Дагъустан” ГТРК-дин радио. Махачкъалада — 105.6, Дербентда — 104.9 FM-дин куьмекдалди).
Лезги радиоди хайи чIал хуьнин кардик еке пай кутазвайдал шак алач. И рекье анин коллективди бегьерлудаказ зегьмет чIугвазва.
Чна, кьиле редактор, Дагъустандин культурадин лайихлу къуллугъчи Наира Гьамидова аваз, Лезги радиодин коллективдиз — Нарима Жамаловадиз, Сергей Абумуслимоваз, Исмаил Къурбановаз, Зейнаб Вагьабовадиз — пешекарвилин сувар рикIин сидкьидай мубаракзава ва абурухъ кIвалахдин рекье мадни еке агалкьунар хьун алхишзава!
«Лезги газет»
